ЯСНАЯ ГАРА
Кляштар на Яснай Горы ў Чэнстахове (Польшча), з’яўляецца найбольшым паўлінскім кляштарам у свеце. У цяперашні час там пражывае больш за сто манахаў. Гэта таксама цэнтр і сэрца Ордэна, таму што там знаходзяцца рэзідэнцыя Генеральнага настаяцеля і Генеральная Рада (Дэфініторый) нашай супольнасці.
Разам яны прымаюць найважнейшыя рашэнні, якія датычацца жыцця і функцыянавання ўсёй паўлінскай супольнасці ў свеце. Кожныя шэсць гадоў у гэтым кляштары адбываецца Генеральная Капітула, якая выконвае вышэйшую ўладу ў Ордэне і выбірае Генеральнага настаяцеля.
Яснагорскі кляштар з’яўляецца найбольшым скарбам Ордэна, перш за ўсё, дзякуючы прысутнасці Панны Марыі ў цудадзейным абразе Маці Божай Чэнстахоўскай. Мільёны пілігрымаў штогод наведваюць санктуарый і кляштар у Чэнстахове, каб прасіць заступніцтва Панны Марыі, а таксама прыступіць да сакрамэнту пакуты і паяднання. Менавіта таму Яснагорскі санктуарый называюць таксама канфесіяналам.
Айцы і браты Паўліны з’яўляюцца ахоўнікамі гэтага святога месца з моманту яго заснавання ў 1382 г., калі князь Уладыслаў Апольчык запрасіў айцоў Паўлінаў апекавацца Цудоўным Абразом Маці Божай. Роля Яснагорскага санктуарыя вельмі паўплывала на харызмат Ордэна.
