7 траўня ў базыліцы св. Міхала Арханёла і св. Станіслава ў Кракаве (Польшча) прынялі дыяканскае пасвячэнне дзевяць нашых сабратаў-семінарыстаў. Сярод іх быў брат Сяргей Калюта, які паходзіць з Гродзенскай дыяцэзіі – з ваўкавыскай парафіі св. Вацлава. Урачыстую св. Імшу а 11 г. узначаліў дапаможны біскуп Каліскай дыяцэзіі Лукаш Бузун OSPPE, які ў гаміліі падкрэсліў сутнасць і важнасць гэтага сакрамэнту, а таксама абавязкі, звязаныя з ім. Ён таксама звярнуў увагу на дзеянні Бога, які, даючы чалавеку такую вялікую ласку, мабілізуе яго на пастаяннае ўзрастанне да даручаных яму заданняў.
Пасля св. Імшы, якую ўпрыгожвалі спевы з семінарыйнага хору, адбылася сустрэча з сем’ямі і гасцямі нашых братоў-дыяканаў
